CWM

တကယ်တော့ ဒေါ်နယ်ထရမ့် ဆင်နွှဲခဲ့တဲ့ အီရန်စစ်ပွဲဟာ တွက်ကိန်းမှားခဲ့တဲ့ စစ်ပွဲလို့ပဲ ဆိုရမယ်။ နှစ်လကျော် ကြာမြင့်လာပြီဖြစ်တဲ့ ဒီစစ်ပွဲရဲ့ ဂယက်ကို အမေရိကန်နဲ့တကွ ကမ္ဘာ့နိုင်ငံအားလုံးက ခံစားနေရပြီဖြစ်တယ်။ လောင်စာဆီဈေးနှုန်း မငြိမ်သက်မှုက စတင်တဲ့ စီးပွားရေး ဂယက်ရိုက်ခတ်မှုကို အာရှနိုင်ငံတွေသာမက အမေရိကန်ကလည်း ခံစားနေကြရပြီဖြစ်တယ်။ အမေရိကန်မှာ အခုဆိုရင် ကုန်ဈေးနှုန်းတွေ တစ်စတစ်စ ကြီးမြင့်လာပြီဖြစ်တယ်။ စစ်ကြီးက ပြီးပြီလားဆိုရင် မပြီးသေးပါဘူး။ မပြီးတဲ့အပြင် ဒီစစ်ကို ဘယ်လို အဆုံးသတ်ရမလဲ ဒေါ်နယ်ထရမ့် ထွက်ပေါက်ရှာမရသေးဘဲ ပိတ်မိနေဆဲပါ။ တကယ်တော့ အီရန်စစ်ပွဲဟာ ထရမ့်အတွက် မှားခဲ့တဲ့ စစ်ပွဲပါ။ ဗင်နီဇွဲလားခေါင်းဆောင် မာဒူရိုကို အလစ်အငိုက် ဖမ်းဆီးနိုင်သလိုမျိုး အီရန်ဘာသာရေးခေါင်းဆောင်တွေကို ဖယ်ရှားလိုက်ရင် အစိုးရအပြောင်းအလဲတစ်ရပ် (Regime Change) လုပ်နိုင်မယ် ယူဆခဲ့တယ်။ ဒါပေမဲ့ တွက်ချက်မှုတွေ မှားခဲ့တဲ့အပြင်

(စစ်ပွဲအစမှာ အီရန်စစ်ပွဲက ပြီးသလောက်ဖြစ်သွားပါပြီ။ သူတို့မှာ ခေါင်းဆောင်လည်း မရှိတော့ဘူး။ ဘာမှ မကျန်တော့ဘူး၊ မကြာခင် စစ်ပွဲပြီးဆုံးတော့မယ်လို့ ပြောခဲ့တဲ့ ဒေါ်နယ်ထရမ့်က အခုတော့ အီရန်စစ်ကို အဆုံးမသတ်နိုင်သေးဘဲ ဆက်တိုက်နေရတုန်းပါ။ ထရမ့် စတင်လိုက်တဲ့ စစ်ပွဲနဲ့ ပတ်သက်လို့ နယူးယောက်တိုင်းမ်သတင်းစာက ဆောင်းပါးရှင် NICHOLAS KRISTOF ရဲ့ The ‘Arrogance of Power’ Drives War in Iran ဝေဖန်ချက်ကို ဖော်ပြလိုက်ပါတယ်) “အီရန်ကို တိုက်ခိုက်ခြင်းဟာ မိုက်မဲတဲ့လုပ်ရပ်ပဲ” လို့ ဆိုတဲ့ ခေါင်းစဉ်နဲ့ ဝေဖန်ရေးဆောင်းပါးတစ်ပုဒ် ရေးပြီးတဲ့နောက်မှာတော့ ဒေသတွင်းအခြေအနေကို ကျွန်တော့်ထက် အဆပေါင်းများစွာ ပိုနားလည်တဲ့ အီရန်နိုင်ငံသားတချို့ဆီကနေ ကန့်ကွက်တဲ့ တုံ့ပြန်မှုတွေ ရရှိခဲ့တယ်။ “ဒါကို ကျွန်တော်တို့ အီရန်နိုင်ငံသားတွေ ကိုယ်တိုင်က