အကြမ်းမဖက်ဘဲ
အဖက်ကြမ်းကြရင်
မကောင်းဘူးလား။
စစ်ကိုချစ်ကြလို့
အချစ်တွေဟာ
မစစ်ကြတော့တာလား။
သတင်းတွေဖတ်ပြီး
ဖုန်းလေးလည်း
ရင်တွေပူလို့။
၃၁ဘုံဆိုတာ
သတ်သတ်စီလို့ထင်ခဲ့ဖူးတယ်
တကယ်တော့
အရောရောအနှောနှောကြီးပဲ
ကြည့်ပါလား
လူ့ဘုံနဲ့ငရဲဘုံရောနေတာ
နတ်ဘုံနဲ့ပြိတ္တာဘုံနှောနေတာ။
သိကြားမင်းနဲ့ယမမင်းကိုလည်း
တစ်ယောက်စီလို့ထင်ခဲ့ဖူးတယ်
တကယ်တော့
တစ်ယောက်တည်းပဲ
ကြည့်ပါလား
ဒေါ်နယ်ထရမ့်ဟာ
အမေရိကန်အတွက်သိကြားမင်းဖြစ်ပြီး
အီရန်အတွက်ယမမင်းဖြစ်နေတယ်။
Click to rate this post!
[Total: 1 Average: 5]