ဇင်လင်း

အင်ဒို-ပစိဖိတ်ဒေသအပေါ် အမေရိကန်နိုင်ငံ၏ သဘောထားနှင့် တရုတ်နိုင်ငံ၏ အန္တရာယ် နိုင်ငံတကာ မဟာဗျူဟာလေ့လာရေးအင်စတီကျု (IISS) ၏ (၂၂) ကြိမ်မြောက် “ရှန်ဂရီလာ ဒိုင်ယာလော့ ဆွေးနွေးပွဲ” ကို ယခု ၂၀၂၅ခုနှစ် မေလ ၃၁ ရက်နေ့တွင် စင်္ကာပူ၌ ကျင်းပခဲ့သည်။ ရှန်ဂရီလာ ဒိုင်ယာလော့ ဆွေးနွေးပွဲကို  နှစ်စဉ် ကျင်းပလေ့ရှိပြီး အာရှ-ပစိဖိတ်ဒေသအတွင်းရှိ  အင်ဒို-ပစိဖိတ်နိုင်ငံများမှ  ကာကွယ်ရေးဝန်ကြီးများ၊  ကာကွယ်ရေး ဦးစီးချုပ်များနှင့် ကာကွယ်ရေးဆိုင်ရာ ထိပ်တန်း အဆင့်ပုဂ္ဂိုလ်များ တက်ရောက် လေ့ရှိသည်။  ယင်းမေလ ၃၁ ရက်နေ့ ဆွေးနွေးပွဲသို့ အမေရိကန် ကာကွယ်ရေးဝန်ကြီး ‘ပိ ဟက်ဆက်’ (Pete Hegseth) တက်ရောက်ခဲ့ပြီး အင်ဒို-ပစိဖိတ်ဒေသဆိုင်ရာ အမေရိကန်နိုင်ငံ၏ နိုင်ငံခြား‌ရေးမူဝါဒကို ရှင်းပြခဲ့သည်။ အမေရိကန် ပြည်ထောင်စု၏ လက်ရှိ ‘ထရမ့်အစိုးရ’ သည် ယခင့်ယခင် အစိုးရအဖွဲ့များကဲ့သို့ “တာဝန်မဲ့သည့် ပျော့ညံ့ညံ့”

မကြာသေးမီ ရက်ပိုင်း (မေလ ၂၂ ရက် ၂၀၂၅) တွင် ဘေဂျင်းနှင့် မနီလာတို့အကြား ‘Sandy Cay’ ဆိုသည့် သန္တာ ကျွန်းငယ် ကလေးနှင့်ပတ်သက်၍ ပြင်းပြင်းထန်ထန် အငြင်းပွားမှု ပေါ်ပေါက်ခဲ့သည်။ ဤပြဿနာအတွင်း ကိုယ်ထိလက်ရောက် တိုက်ခိုက်မှုပင် ဖြစ်ခဲ့သည်။ တရုတ်ကမ်းခြေစောင့်တပ် သင်္ဘောက ဖိလစ်ပိုင်သင်္ဘော နှစ်စင်း ကို  ပြင်းထန်သော ရေအမြောက် ဖြင့် ပစ်ခတ်တိုက်ခိုက်ခဲ့သည်ဟု သတင်းများတွင် ဖော်ပြခဲ့သည်။ “ဆူဘီ” သန္တာကျွန်း ရေပြင်အတွင်းသို့ ဖိလစ်ပိုင် သင်္ဘောများက ကျူးကျော်ဝင်ရောက်လာသဖြင့် ရေအမြောက် ဖြင့် ပစ်ခတ် ဟန့်တားခဲ့ရသည်ဟု တရုတ်ကမ်းခြေစောင့်တပ် ၏ကြေညာချက်တွင် ဖော်ပြသည်။ ဖိလစ်ပိုင် ဘက်က လည်း ပင်လယ်ပြင် ဆိုင်ရာသုတေသနလုပ်ငန်းများ ဆောင်ရွက်နေသော ဖိလစ်ပိုင်သင်္ဘော နှစ်စင်း ကို